ديرك أيّام زمان شعر عامّي فؤاد زاديكه ديرِكْ مو تروح مِنْ بالي ... و إلى أمْسِكْ كوپالي مِنْ زِغري عِشتو فيا ... تاني

فؤاد زاديكه

عضو
مشاركات: 403

ديرك أيّام زمان شعر عامّي فؤاد زاديكه ديرِكْ مو تروح مِنْ بالي ... و إلى أمْسِكْ كوپالي مِنْ زِغري عِشتو فيا ... تاني

مشاركة#1 » الأربعاء أكتوبر 12, 2016 9:37 am

ديرك أيّام زمان

شعر عامّي

فؤاد زاديكه

ديرِكْ مو تروح مِنْ بالي ... و إلى أمْسِكْ كوپالي
مِنْ زِغري عِشتو فيا ... تاني (آزخ) تِحلالي
----
بِقْچِتْ (لَوزِه) و اللّكرومْ ... و الكازيِّه و اللّچمومْ
و القِشْلَة الفْرَنساوي ... صِرتو مِنْ قَحري مَحمومْ
---
حارة بحارة كَتْزَكَّرْ ... و شارعْ بيت (حنّا الأشْقَرْ)
كِنْ قِدّا عيني هَلّا ... بوشْ كوَيِّسْ كَتْصَوَّر
---
(حَنّا الأعْرَجْ) كا شِقّاعْ ... و (صَلْبونِكْ) إرقاعْ ارقاعْ
چَاخِلْ كِنّا اوُلادْ زغارْ ... كا نِلبِسْ جَزماتْ وُساعْ
---
دِكّانِتْ (گَبرو الصِّفَّارْ) ... كِنّا نشوفَا كِلّْ نهارْ
و قَحوِتْ (رازاي) فالسّوقْ ... و بِقبالَا (حنّا المِنْگارْ)
---
بيت (ملكي زيرّو) فالچّولْ ... كا نِلْعَبْ وِ نْدَخِّلْ گولْ
كَرّا جَوّاتِ اللّصفوفْ... سِينا جام الغُرفِه خولْ
---
مِنْ حارِتْ (فَتحو) و (مَرقوزْ) ... كا نِسْمَعْ صوتِ النّاقوزْ
(گَبرو زاديكِه) كَيبيعْ ... بُوزْ و خَرطَة و الگازوزْ
---
پُوصْطِتْ (جورج رِسْقو) الرّادوحْ ... عالقامشلي كانْ تروحْ
كا بِدّا شي نِصّ نهارْ ... لَتْوَصِّلْ بِطْلوعْ الرّوحْ
---
(يعقوب) و (دِنحو الفِرّانْ) ... كانوا شِرْكِه فِالدِّكَّانْ
إيلَا كا ناخِزْ لِخْبَيزْ ... مِنْ فِرْنِنْ كَيصيرْ فَرمانْ
---
(مَارشمُوني) و النّاقوزْ ... (حنّا رَشكو) و (قِرْياقوزْ)
و (حَنّا القَسّ) و (قَسْ گَبرو) ... فِلْبيعَة يصيروا گَالُوزْ
---
خَالِه (جازيَة) المَشهورة ... بالتّوليد و مَمْهورة
و (فَرْحَة كَكِّه) فالتّمريضْ ... كانتْ مِتْلِلْ دَكتورَة
---
(مَلكِه حَبّو) عَم إمّي ... راصْ المَزْحَة كَيْحَمّي
كِلْ نِكتِه و أخْرَبْ مِلَّخْ ... يا ألله تِرْحَمْ عَمّي
---
بيت (عَورِه) و (لَمْپَة) جيرانْ ... و بيت (حَدوكِه) يا إخوانْ
كا فِي بيناتِنْ شارِعْ ... كِلْ يَومْ معَبّا نِسوانْ
---
(قِريو لَچِّه) و (الشّاپورْ) ... ما شالله مِتْلِلْ ناجورْ
كانوا جيرانْ و رِفْقَا ... تقولْ بَلكي قَسّ و صاعورْ
---
صوت مجَنجَلْ مِنْ (سعيدْ) ... الأعمي في كِلْ ليلِت عيدْ
أطْيَبْ مِنْ حِسُّو ما كانْ ... لا مِنْ قِبلْ و لا شي جديدْ
---
موقع بيت (لحدو نعمانْ) ... إستراتيجي مِتْلِلْ كانْ
كِنّا نِتْمَشْوَرْ عِندو ... (عيسى) و (فؤاد) و (بِهنان)
---
(مِرْيَمْ إم صامو گَورو) ... بِنت (قَسّ گَبرو) ما غيرو
كانتْ قُرمِه المرحومِه ... و (قَس گَبرو) أسْبَتْ دَورو
---
(حنّا بَحْدِكِه) القِصّابْ ... و (چُوكِه) الصيّاد الحِبّابْ
(شِكرو پَشكِه) و دِكّانو ... و (عامو) كَيبيعِلْ قِپقابْ
---
(مريم زيرو) الجبّارَة ... قَبْلِلْ صارتْ خِتيارَة
كانِتْ بَرْبَرْ عَشْر رجاِل ... و كانتْ مختار الحارَة
---
رِحتُو عند عَمّو (إيشوعْ) ... أشتري چايِه بِرْبوعْ
(ايليّا) جيرانو كانْ ... و بيت (مِشْطِه) فوقو بِطْلوعْ
---
بيت (گَلعو) و (يعقوب صارَة) ... و (موسى آدو) فِالحارَة
و جَنبو (سليمان الشِّمَّاسْ) ... و بيت (هيلانِه) يا خسارَة
---
(مِيخا دورِه) و مَزْقاتو ... تِجْ لِمبالي و مَزْحاتو
أشْ مَوتِه پيسِه ماتَا ... عَبّتْ قلبي حَصْرَاتو
---
(مَكونو بِرْهِي زَلَّطْ) ... الطّيبوناهي خَلَّطْ
بس كَرّة وِاحدِ أزْكِرْ ... فالتّخليطَة كِنْ غَلَّطْ
---
(حنّا الدّيشجي) قُلْ مِ الرّاصْ ... كَيْرَكِّبْ تاخِمْ لِضْراصْ
و (حنّا چَلتوك) مجَبِّرْ ... ما كا نِطْلَعْ مَعو راصْ
---
كِلْ شي ما بَقْ مِنّو شي ... لا تابوتي و لا نُعشي
حارات الكِنّا نِعْرِفْ ... دَوَّرناها كا نِمشي
---
أشقَد ما واِحدنا يقولْ ... تَنسى مبارِح عِرظْ و طُولْ
مو مِمْكِنْ يقْدَر ينسى ... لازِم يتْزَكَّرْ عَطّولْ
---
كِلْ زابوق و كِلْ حارَة ... و إلى هاك المِنّارَة
عِنْدِ الجاِمع كا إلنا ... مَشوِه و زِحْكِه و دوبارَة
---
هايِه حَكّويتْ ديرِكْ ... مِي قِصِّتْ (جورِه مَرِّكْ)
(عَمسو) و (چاچو) و (عَزِّكِه) ... و (جِرْديكَا) و (يوسِفْ پِرِّكْ).
كلّما عمّرتَ عمرا تلتقي أمراً و أمرا
تلتقي ناساً. فِعالٌ منهمُ, تأتيكَ غدرا

العودة إلى “منتدى الأديب فؤاد زاديكه”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائران

cron
jQuery(function($) { 'use strict'; $('.stat-block.online-list').attr('id', 'online-list'); $('.stat-block.birthday-list').attr('id', 'birthday-list'); $('.stat-block.statistics').attr('id', 'statistics'); $('.collapse-box > h2, .stat-block > h3').addClass("open").find('a').contents().unwrap(); $('.collapse-box, .stat-block').collapse({ persist: true, open: function() { this.stop(true,true); this.addClass("open"); this.slideDown(400); }, close: function() { this.stop(true,true); this.slideUp(400); this.removeClass("open"); } }); var $videoBG = $('#video-background'); var hasTopBar = $('#top-bar').length; function resizeVideoBG() { var height = $(window).height(); $videoBG.css('height', (height - 42) + 'px'); } if (hasTopBar && $videoBG.length) { $(window).resize(function() { resizeVideoBG() }); resizeVideoBG(); } phpbb.dropdownVisibleContainers += ', .profile-context'; $('.postprofile').each(function() { var $this = $(this), $trigger = $this.find('dt a'), $contents = $this.siblings('.profile-context').children('.dropdown'), options = { direction: 'auto', verticalDirection: 'auto' }, data; if (!$trigger.length) { data = $this.attr('data-dropdown-trigger'); $trigger = data ? $this.children(data) : $this.children('a:first'); } if (!$contents.length) { data = $this.attr('data-dropdown-contents'); $contents = data ? $this.children(data) : $this.children('div:first'); } if (!$trigger.length || !$contents.length) return; if ($this.hasClass('dropdown-up')) options.verticalDirection = 'up'; if ($this.hasClass('dropdown-down')) options.verticalDirection = 'down'; if ($this.hasClass('dropdown-left')) options.direction = 'left'; if ($this.hasClass('dropdown-right')) options.direction = 'right'; phpbb.registerDropdown($trigger, $contents, options); }); });

تسجيل الدخول  •  التسجيل